10:17 PM ატმის მურაბა | |
| მასალა: 1 კილოგრამი ატამი (დაჭრილი); 1 კილოგრამი შაქარი; 1 ჩაის ჭიქა წყალი; ატმის მურაბა მომზადება: ყვითელი ატამი გავფცქვნათ და დავჭრათ საშუალო ზომის ნაჭრებად. დავასხათ ცივი წყალი და გავაჩეროთ რამოდენიმე საათი. ქვაბში ჩავასხათ 1 ჩაის ჭიქა წყალი შემოვდგათ დაბალ ცეცხლზე, დაუმატოთ შაქარი და მოვადუღოთ სიროფი. სიროფი გავაცივოთ და ჩავყაროთ ცივი წყლიდან ამოღებული ატმის ნაჭრები. დავდგათ ცეცხლზე და ვადუღოთ 30 წუთის განმავლობაში. გადმოვდგათ ცეცხლიდან და გავაჩეროთ მეორე დღემდე. მეორე დღეს დავდგათ ცეცხლზე და მოვხარშოთ სანამ მზად არ იქნება. მომზადებული მურაბა ცხელ-ცხელი ჩავასხათ ქილებში, ბოლომდე ავავსოთ და დავახუროთ თავსახური; მურაბა შევინახოთ გრილ და მზისგან მოშორებულ ადგილას. | |
|
| |