5:47 PM ელექტრონული კალამი Rollpen ხელნაწერ ტექსტს იმახსოვრებს | |
| ხანდახან, როდესაც რომელიმე სიახლეს ან კონცეპტს ვუყურებთ, გვებადება კითხვა: რატომ ვერავინ მოიფიქრა ეს აქამდე? ასეთ იდეებს განეკუთვნება პორტუგალელი დიზაინერის ფილიპე ლიმას (Filipe Lima) ელექტრონული კალმის ახალი კონცეპტიც; და მართლაც, რატომ ვერავინ მოიფიქრა კალამი Rollpen აქამდე? იდეა მარტივი და მოხდენილია: მომხმარებელი ამ კალმით ისევე როგორც ნებისმიერი სხვა პასტით ქაღალდზე წერს, მხოლოდ მოცემული ეგზემპლარი ხელნაწერ ტექსტს მოწყობილობის მეხსიერებაში ინახავს. მეტიც, მას აქვს უსადენო მოდულები ინტერნეტში ჩართვის მხარდაჭერით; ანუ, დაწერილი ტექსტი შეგიძლიათ არა მარტო ლოკალურად შეინახოთ, არამედ ონლაინ გამოაქვეყნოთ კიდეც, თუ რა თქმა უნდა ამის სურვილი გაგაჩნიათ. მოწყობილობის სამართავად კი, მის კორპუსზე არის მცირე სენსორული დისპლეი; ფუნქციების რაოდენობა აქ მინიმალურია, სამაგიეროდ Rollpen-ის შესაძლებლობების არსენალი ნამდვილად სასიამოვნოა. | |
|
| |