Lorem ipsum dolor sit amet consectetur
მთავარი » 2013 » აპრილი » 25 » საფრანგეთის სამეფო კარის ცნობილი "მასხარა" - "ტრიბულე"
6:21 PM
საფრანგეთის სამეფო კარის ცნობილი "მასხარა" - "ტრიბულე"
"ტრიბულე" - წარმოადგენდა,საფრანგეთის მეფის ლუი XII დე ვალუას (1462-1515 წლები) და საფრანგეთის შემდგომი მეფის - ფრანსუა I დე ვალუას (1494-1547 წლები),სამეფო კარის ყველაზე ცნობილ "მასხარას",რომელიც შემდგომ არაერთხელ იქნა მოხსენიებული სხვადასხვა მწერლების ნაწარმოებებში.მაგალითისათვის ალბათ დიდი ფრანგი მწერალი - ფრანსუა რაბლეს ნაწარმოები "გარგანტუა და პანტაგრუელი" და გენიალური ფრანგი მწერლის - ვიქტორ მარი ჰიუგოს,რომანი "მეფე ერთობა"-ც საკმარისი იქნება.ტრიბულე საკმაოდ დიდი ნიჭითა და გონებასხარტი აზროვნებით გამოირჩეოდა,რის გამოც იგი განსაკუთრებული "პატივით" სარგებლობდა საფრანგეთის სამეფო კარზე.სწორედ მას შეეძლო ეთქვა ის მეფეთათვის,რასაც მათ ოჯახის წევრებიც კი ვერ გაუბედავდნენ.ისტორიას შემორჩა მისი და საფრანგეთის მეფეების რამდენიმე საკმაოდ საინტერესო დიალოგი,რომელთა ნაწილსაც აქვე შემოგთავაზებთ:

ერთ დღეს ტრიბულემ მიმართა საფრანგეთის მეფე - ფრანსუა I-ს,თხოვნით სასახლის ერთ-ერთი გავლენიანი პირის მიმართ:
- მეფეო! მე სიკვდილით მემუქრებიან!
რაზეც ფრანსუამ მიუგო:
- ნუ გეშინია მასხარავ,ვინც შენს სიცოცხლეს ხელყოფს,მას მეოთხედ საათში ჩამოახრჩობენ.
რაზეც შეშფოთებულმა ტრიბულემ მეფეს მიმართა:
- ნუთუ თქვენო უდიდებულესობავ,არ შეიძლება მანამ ჩამოახრჩოთ იგი,ვიდრე მე მომკლავდეს? მგონი ასე უფრო დამშვიდებული ვიგრძნობდი თავს.
არის მეორე ისტორია,რომელიც უკვე სახელმწიფო საქმეს ეხებოდა და ვფიქრობ ესეც საინტერესო უნდა იყოს:
მაშინ როდესაც საღვთო რომის იმპერატორი - კარლ V ჰაბსბურგი (1500-1558 წლები),საფრანგეთის გავლით აპირებდა გასვლას ბელგიაში,რათა გენტში მიმდინარე აჯანყება ჩაეხშო,ტრიბულე გამოცხადდა ფრანსუა I-თან და მიმართა:
მეფეო მინდა გაგაცნოთ ჩემი ახალი საქმიანობა,რომლის მიხედვითაც შევქმენი "სულელების ალმანახი".ამ ალმანახში კი მოყვანილია ყველაზე დიდი სისულელეები,რაც ჩაუდენიათ ადამიანებს და მათ შორის "სულელ მეფეებსაც".
ფრანსუა დაინტერესდა თუ ვის გულისხმობდა "სულელ მეფეებში" ტრიბულე,რაზეც მან მიიღო პასუხი,რომ ასეთი ერთ-ერთი მეფე გახლდათ კარლ V,რომელსაც აზრად მოუვიდა საფრანგეთზე გავლა მაშინ,როდესაც თქვენ მისი ტყვე იყავით.
რაზეც ფრანსუამ მიუგო:
და თუ კი გეტყვით,რომ იგი გაიარს ცემს სამეფოზე ისე,რომ ხელს არ შევუშლი?
ტრიბულემ უპასუხა:
მაშინ დიდო მეფეო,კარლოსის სახელს ამოვშლი ალმანახიდან და სხვა მეფის სახელით შევცვლი და ეს თქვენ იქნებით,რადგან მასზე დიდი სულელი თქვენ გამოხვალთ.
ტრიბულეს მისი სითამამის გამო,რომელსაც მეფეებთან აჩენდა მოიხსენიებდნენ,როგორც: "უეჭველი გიჟი... თუმცა შეუცვლელი".
ტრიბულე გარდაიცვალა 1536 წელს,თუმცა მისი სახელი არაერთი ნაწარმოების და ოპერის მთავარი გმირიც კი გახდა და მისი "გასაუბრებები" საფრანგეთის მეფეებთან დღესაც უდიდესი ინტერესის მატარებელია მკითხველში.სწორედ ამ მიზეზთა გამო იგი მოხსენიებულია,როგორც "ყველახე ცნობილი მასახარ საფრანგეთის ისტორიაში".
კატეგორია: ისტორია | ნანახია: 681 | დაამატა: balu | ტეგები: კარის, ცნობილი, - ტრიბულე, მასხარა, სამეფო, საფრანგეთის, cnobili masxara | რეიტინგი: 0.0/0
Vestibulum nec ultrices diam, a feugiat lectus. Pellentesque eu sodales enim, nec consequat velit. Proin ullamcorper nibh nec malesuada iaculis. Donec pulvinar ipsum ac tellus ornare, quis vulputate lectus volutpat.